مەرجەکان

مەرجەكانی بەكارهێنانی  پلاتفۆرمی گەشتیار

بەكارهێنانی ئەو كەرەستە نووسراو، دەنگی و وێنەییانەی لە  پلاتفۆرمی گەشتیار بڵاوبوونەتەوە و لە ئاییندەدا بڵاودەبنەوە، بە كۆمەڵێك مەرجەوە گرێدراوە. هەر بەكارهێنەرێك بەو مەرجانە ڕازی نەبێت، بۆی نییە بۆ هیچ مەبەستێك سوود لە  پلاتفۆرمی گەشتیار وەربگرێت.

مەبەست لە سوودلێوەرگرتنیش: خوێندەوە، گوێلێگرتن، سەیركردن و داونلۆدكردنی هەر كەرەستەیەكە كە لەسەر  پلاتفۆرمی گەشتیار، لەكاتی بەكارهێنانیدا هەیە.

مەرجەكانی  پلاتفۆرمی گەشتیار بەم شێوەیەی خوارەوەن

ـ هەركەسێك تەمەنی لە ١٨ ساڵ بەرەو سەرەوە بێت، دەتوانێت هەموو بەشەكانی ئەم پلاتفۆرمە بەكاربهێنێت. هەركەسێك تەمەنی لە خوار ١٨ ساڵەوە بێت، بۆی هەیە بەشێك لە ناوەڕۆکی ئەم پلاتفۆرمە، دوای وەرگرتنی مۆڵەت لە خێزانەكەی (دایك و باوك یان ئەو كەسەی سەرپەرشتیی بەخێوكردن و پەروەردەكردنی دەكات) بەكاربهێنێت.

 پلاتفۆرمی گەشتیار بەرپرسیار نییە لەوەی ناوەڕۆکی ئەم پلاتفۆرمە لەلایەن بەكارهێنەرانییەوە بە خراپ سوودی لێوەربگیرێت. بەكارهێنەری  پلاتفۆرمی گەشتیار ئەوەی قبوڵە كە كاتێك لەسەر مۆبایلەكەی یان كۆمپیوتەرەكەی ڤێرژنێكی نوێی ئەپی گەشتیار یان ماڵپەڕ دێت، دەكرێ جۆری خزمەتگوزارییەكانی گەشتیاریش بگۆڕدرێت یان مەرجەكانی بەكارهێنان گۆڕانیان بەسەردابێت، بۆیە بە وریاییەوە ئەپەكەی ئەپدەیت دەكاتەوە و دەرەنجامی ئەپدەیتكردنەوەكە هەر شتێك بێت قبوڵی دەكات.

ـ كۆپی ڕایتی ئەو كەرەستە نووسراو، بینراو و بیستراوانەوەی لە  پلاتفۆرمی گەشتیار بڵاودەبنەوە بۆ  پلاتفۆرمی گەشتیاره‌ و بەبێ پرسی گەشتیار نابێت سەرلەنوێ بۆ كاری میدیایی یان بازرگانی بەكاربهێندرێن. بەكارهێنەری  پلاتفۆرمی گەشتیار ئازادە لەوەی ئەو كەرەستانە تەنیا بۆ خۆی، بەبێ ئەوەی پارەی پێ پەیدا بكات بەكاربهێنێت.

 پلاتفۆرمی گەشتیار مافی ئەوە دەپارێزێت كە ئەو كەرەستانە لە هەر كاتێكدا ڕەش بكاتەوە و بگوازێتەوە كە لەلایەن بەكارهێنەرانەوە بۆ سەر  پلاتفۆرمی گەشتیار ئەپلۆد كراون.

 ـ لە هەندێك لە به‌رهه‌م  و كەرەستەكانی دیكەدا كە لە  پلاتفۆرمی گەشتیار بڵاودەبنەوە، ڕەنگە لینكی ماڵپەڕی تر بەكاربێت،  پلاتفۆرمی گەشتیار  گەرەنتیی ئەوە ناكات كە ئەو ماڵپەڕانە زیانبەخش نین بۆ ئەو ئامێرانەی بەهۆیانەوە سەردانیان دەكەن. بۆیەش هیچ بەرپرسیارێتییەك لەوبارەوە لە ئەستۆ ناگرێت.