ناوه‌ڕۆك
ناساندن
ناودارترین هۆتێلەکانی دوبەی (بە ئینگلیزی: Dubai's most famous hotels، بە عەرەبی: أشهر فنادق دبي)، دوبەی شارێکی گەورە و سەرسوڕهێنەرە، لە دوبەی مۆڵ کە دووەم گەورەترین مۆڵی بازرگانی جیهانە ئەکواریۆم و یاریگای سەهۆڵبەندان و نافورەی دوبەی لەخۆدەگرێت، یان لە بازاڕی زێڕین کە بازاڕێکی نەریتییە و لە زیاتر لە ٣٠٠ بازرگانی زێڕ پێکهاتووە دەتوانیت سەردانیان بکەیت.
ناودارترین هۆتێلەکانی دووبەی
هاوینەهەواری بیابانی و سپای ئەل مەها
ئەم شوێنە پێکهاتووە لە زنجیرەیەک هاوینەهەوار و شوێنی گەشتیاری و مەلەوانگە و سپای زۆر سەرنج ڕاکێش و سەردەمیانە بە رووبەرێکی زۆر فراوان بە درێژایی ناوچەکە کە دەکەوێتە نێوان ڕووبەرێکی زۆری دار خورما و دیمەنێکی زۆر سەرنج ڕاکێشی بە شوێنەکە بەخشیووە. لەگەڵ ئەوەشدا ئەم شوێنە بەشێکی بە شێوازێکی کەلەپوری کۆن دیزاین کراوە و هەموو شوێنەکانی بە جوانی مۆبیلیاتیان بۆ دانراوە لەگەڵ کۆمەڵێک لە شوێنەوار و کەلوپەلە ڕەسەنەکانی عەرەبی ئەو ناوچەیە کە هەست بە ئارامی و ئاسوودەییەکی زۆر بکەی لەگەڵ بینینی دیمەنی خۆر ئاوابوونی بیابانەکە و بینینی گیانلەبەرە کێویەکان. هەروەها ساڵانە لەگەڵ ئەوەی ئەم شوێنە نرخەکانی زۆر بەرزە بەڵام بەهۆی دیمەنە سەرنجڕاکێشەکانی و ئارامی شوێنەکە ڕێژەیەکی زۆر سەردانیکەری هەیە.
دەستکەوت:
- باشترین نانی بەیانی لە هۆتێلەکانی جیهان
- باشترین هۆتێلەکانی خێزان لە جیهاندا
هاوینەهەواری BVLGARI دوبەی
لە دوبەی هاوینەهەواری بڤلگاری دەکەوێتە سەر کەنداوی جومێرا کە شوێنێکی تایبەتە و یەکێکە لەو کەنداوانەی بە شێوەیەکی تایبەت دیزاین کراوە و دروستکراوە، کە تێیدا دوورگەیەک کە لە شێوەی ئەسپی دەریایی لە ناویدا بونیات نراوە بە پردێکی ٣٠٠ مەتر (٩٨٠ پێ) کە هاوتەریبە لەگەڵ کەنارەکانی ناوەڕاستی دوبەی، هاوینەهەواری بڤلگاری دوبەی ئەتوانرێت بوترێت کە وەک هاوینە هەوارێکی ڕاستەقینەیە بۆ گەشتیاران و دانیشتووانەکەشی بە هەمان شێوە. کە بە شێوازێکی تایبەت تەواوی دایزاینەکەی لەلایەن ئەنتۆنیۆ سیتێریۆ پاتریشیا ڤیێلەوە کراوە، کە کۆمپانیایەکی بەناوبانگی تەلارسازی ئیتاڵییە و هەر لەلایەن ئەوانیشەوە سەرجەم هۆتێلەکانی بڤلگاری دروستکراوە.
بورج ئەلعەرەب
شێوە جیاوازەکەی بورج ئەلعەرەب جومیرا، کە سەرسوڕهێنەرێکی تەلارسازییە لە ناوەڕاستی کەنداوی عەرەبیدا، زیاتر لە هۆتێلێکی سەرنجڕاکێشە، هێمای دوبەی مۆدێرنە، ئایکۆنێکی بەناوبانگی جیهانییە و هێمای دەوڵەمەندییەکی زۆرە، هێشتا تاکە هۆتێلی گەورەی حەوت ئەستێرەیە لە جیهاندا، بورج عەرەب شوێنی نیشتەجێبوونی قەبارە گەورە پێشکەش دەکات، لەگەڵ هەر جێگایەک کە لە دوو نهۆم پێکهاتووە کە بە پلیکانەیەکی مەڕمەڕ بەستراونەتەوە. لێرە، دەتوانیت ڕۆحت ئارام بکەیتەوە لە گەرماوێکی وەک سپا لەگەڵ جاکوزی، زەوی مۆزایک و بەرهەمەکانی هێرمێس. چەندین چێشتخانە و بازاڕی نایاب لە خۆ دەگرێت. هەروەها شوێنێکی سەرنجڕاکێشی دەرەوەی هەیە، کە لە سەرووی دەریاوە دەڕوانێت، کە دوو مەلەوانگە و چێشتخانە و باڕێکی تێدایە.
دەستکەوت:
- لە لیستی ۱۰ باشترین هۆتێلەکانی جیهاندا.
- سەرنجڕاکێشترین هۆتێلەکانی جیهان
- گرانترین هۆتێلەکانی جیهان
هۆتێل ئارمانی دوبەی
هۆتێل ئارمانی دوبەی دەکەوێتە ناوچەی بورج خەلیفە کە بەرزترین تاوەری جیهانە و کە پێکهاتووە لە ١٦٠ ژوور و ١٤٤ شوێنی نیشتەجێبوون. هەر وردەکارییەکی دیزاینەکە بە شێوەیەکی تایبەتی لەلایەن خودی جۆرجۆ ئارمانی هەڵبژێردراوە. دیوارەکان بە چەرمێکی دەستی فلۆرانس ڕازێنراونەتەوە، زەویەکان بە تاتامی ژاپۆنی داپۆشراون، گەرماوەکان بە بەردی خۆڵەمێشی لە ئەلیکانێتی ئیسپانیاوە پۆشراون، چێشتخانەی هۆتێلەکە خواردنی ئیتاڵی، دەریای ناوەڕاست، ژاپۆنی و هیندی پێشکەش دەکەن.
ڕافێڵس پاڵم دوبەی
بە سوود وەرگرتن لە کۆشکەکانی کیشوەری ئەورووپا ئەم هۆتێلە دروستکراوە. پێشتر بە کۆشکی زمرد کەمپینسکی دوبەی ناسرابوو. هاوینەهەواری کەنار دەریایەکی پێنج ئەستێرەی لوکسە. هەریەک لە ژوور و سویتە فراوانەکان بە کاری دەستی ئیتاڵی ڕازاوەتەوە، کەنار دەریایەکی تایبەت و مەلەوانگەیەک، پێنج چێشتخانە یەکێک لەوانە بوونی چێشتخانەیەکی ژاپۆنی و هەروەها یەکێک لە گەورەترین سەنتەری تەندروستی، سینک مۆندێس سپا لەخۆدەگرێت.
چوار وەرزی دوبەی لە کەناری جومێرا
هێنانی شێوازی تازە و پێشکەوتوو بۆ دوبەی، چوار وەرزی گەشتیاری دوبەی لە کەناری جومیرا وزە و سەرنجڕاکێشی بە شارەکە دەبەخشێت. هۆتێلەکە شوێنێکە کە دەکەوێتە ناوەندی ناوچەی جومیرا. لەگەڵ مەڕمەڕی پۆڵشکراو و چرای مۆرانۆی تایبەت، بە بوونی ٢٣٧ شوێنی نیشتەجێبوونی فراوان. دیمەنی کەنداوی عەرەبی لە لایەک و بورج خەلیفە و ئاسۆی ناوەندی شارەکە لە لایەکی ترەوە پێشکەش دەکەن. خزمەتگوزاری ئەم هۆتێلە سێ مەلەوانگە و وەرزشی ئاوی و چەندین شوێنی کڕین و خواردن چالاکی زۆر دابین دەکەن.
جومێرا القصر
ئەلقەسر بە واتای ‘کۆشک’ دێت و تەلارسازی ئەم هۆتێلە بە تێکەڵەیەکی کولتووری عەرەبی و مۆدێرن بنیادنراوە. بە درێژایی شەقامێکی پڕ درەخت کە نزیک دەبیتەوە بە ئەسپی عەرەبی پەیکەرسازی جوان ڕازێنراوەتەوە، هۆتێلەکە پێکهاتووە لە ٢٩٢ ژوور کە دیزاینەکەی دەگەڕێتەوە بۆ شێوازە تەلارسازییە کۆنەکانی عەرەبستان. جومێرە ئەلقەسر هەموو ئاسانکاری و چالاکییەکانی هاوینەهەواری فراوانتر پێشکەش دەکات، لەگەڵ بەلەمی دار ئابرا کە میوانەکان دەگوازنەوە بۆ زیاتر لە ٤٠ چێشتخانە و باڕی ئاست جیهانی. مەدینات جومێرا زیاتر لە ٧٠ بوتیک و گەلەری تێدایە، بەشێکی تایبەتی کەنار دەریایە بە درێژایی کیلۆمەترێک، وەرزشی ئاوی، ١٩ مەلەوانگەی ناوەوە و دەرەوە، و چوونە ژوورەوەی بێبەرانبەر بۆ پارکە ئاوییەکەی وایڵد وادی لەخۆدەگرێت.
پارک هایت دووبەی
دەکەوێتە یانەی گۆڵف و یەختی دوبەی کریک لە کەناری دوبەی کریک. ئەم هۆتێلە پێنج ئەستێرەیە ٢٢٣ ژووری گرانبەها پێشکەش دەکات بە میوانەکانی، کە هەموویان دیمەنێکی سەرنجڕاکێشیان هەیە کە ڕوو لە دوبەی کریک و دەریا دەکەن. چێشتخانەکانی هۆتێلەکە باشترین خواردنی ڕۆژئاوایی و تایلەندی و فەڕەنسی پێشکەش دەکەن. چارەسەری سپا لە ئەمارا سپا، یەکێک لە باشترین سپای دوبەی.
ئەتلانتیس زە پاڵم دوبای
ئەم تایبەتمەندییە دینامیکییە لە دوبەی لە کەنارەکانی گەورەترین دوورگەی دروستکراوی مرۆڤ لە جیهاندا کە دوورگەی پاڵم دەگرێتەوە. بە دەریای ئارام و جوانی کەنداوی عەرەبی دەورە دراوە. هۆتێلەکە وەک کۆشکە کە یەکێکە لە سەرنجڕاکێشترین هاوینەهەوارەکانی دوبەی، بەشێکی هۆتێلی لوکسە بلۆکباستەر و زیاتر لە ١٥٠٠ ژوور لەخۆدەگرێت. سویتەکانی ژێر ئاوی هۆتێلەکە دیمەنێکی سەرنجڕاکێشی ژێر ئاویان هەیە.
